ശ്രീനഗര്‍: കശ്മീരില്‍ വീണ്ടും ഭീകരര്‍ തുറന്ന വെടിവെയ്പ്പ് നടത്തി. പുല്‍വാമ ജില്ലയിലാണ് ആക്രമണം നടന്നത്. ഭീകരരുടെ വെടിവെയ്പില്‍ ഒരു സിആര്‍പിഎഫ് ജവാന് പരുക്കേറ്റു. വെടിവെയ്പില്‍ ഒരു അസിസ്റ്റന്റ് സബ് ഇന്‍സ്പെക്ടര്‍ക്കാണ് പരുക്കേറ്റത്.
രാവിലെ കശ്മീരില്‍ സുരക്ഷാ സേനയുമായുള്ള ഏറ്റുമുട്ടലില്‍ ഒരു തീവ്രവാദി കൊല്ലപ്പെട്ടിരുന്നു. കശ്മീരിലെ ബാരാമുള്ള ജില്ലയിലാണ് സുരക്ഷാ സേനയുമായുള്ള ഏറ്റുമുട്ടലില്‍ തീവ്രവാദി കൊല്ലപ്പെട്ടത്. കൊല്ലപ്പെട്ട തീവ്രവാദിയില്‍ നിന്ന് ആയുധങ്ങളും സ്ഫോടക വസ്തുക്കളും കണ്ടെടുത്തിരുന്നു.
Post Your Comments