ഈ കുരുന്നുകള്‍ ഇരട്ടകള്‍ ; ജനനത്തീയതിയാവട്ടെ വ്യത്യസ്തവും

ഇരട്ടകളാണ് ഈ കുരുന്നുകള്‍, എന്നാല്‍ ഇവരുടെ ജനനത്തീയതിയാകട്ടെ വ്യത്യസ്തവും. സാന്റിയാഗോയിലെ മേരിബ്രിച്ച് ഹോസ്പിറ്റല്‍ ഫോര്‍ വിമന്‍ ആന്‍ഡ് ന്യൂബോണില്‍ നിന്നാണ് കൗതുക വാര്‍ത്ത പുറത്തു വന്നത്. ആശുപത്രിയില്‍ ജനിച്ച ഇരട്ടപ്പെണ്‍കുഞ്ഞുങ്ങളിലൊരാള്‍ പിറവിയെടുത്തത് 2016 ഡിസംബര്‍ 31 ന് അര്‍ധരാത്രി 11.56 നാണ്. നിമിഷങ്ങളുടെ വ്യത്യാസത്തില്‍ അടുത്തയാള്‍ ജനിച്ചത് 2017 ജനുവരി 1 നും.

മിനിറ്റുകളുടെ വ്യത്യാസത്തിലാണ് ഇരട്ടകളിലൊരാള്‍ ഡിസംബര്‍ 31 2016 നും മറ്റൊരാള്‍ 2017 ലും പിറന്നത്. കഴിഞ്ഞ വര്‍ഷവും സാന്‍ഡിയാഗോയില്‍ നിന്ന് സമാനമായ വാര്‍ത്ത പുറത്തു വന്നിരുന്നു. സാന്‍ഡിയാഗോയിലെ കെയ്‌സര്‍ പെര്‍മനന്റ് സിയോണ്‍ മെഡിക്കല്‍ സെന്ററിലാണ് മിനുറ്റുകളുടെ വ്യത്യാസത്തില്‍ വ്യത്യസ്ത ജനനത്തീയതിയുമായി ഇരട്ടകളായ ഒരാണ്‍കുഞ്ഞും പെണ്‍കുഞ്ഞും പിറവിയെടുത്തത്.