ദോഹ: രാജ്മോഹന്‍ ഉണ്ണിത്താന്‍ തന്നെ വ്യക്തിപരമായി അധിക്ഷേപിച്ചതിന് പിന്നില്‍ ആളുണ്ടെന്ന് കെ മുരളീധരന്‍ എം എല്‍ എ. ആളെ തനിക്കറിയാമെങ്കിലും പരസ്യമായി പറയുന്നില്ല.
അവസരം കിട്ടുമ്ബോള്‍ പാര്‍ട്ടി വേദിയില്‍ ഇക്കാര്യം പറയും.വി എം സുധീരനെയാണോ ഉദ്ദേശിക്കുന്നതെന്ന ചോദ്യത്തിന് കെ പി സി സി പ്രസിഡന്റിനെ മുന്‍ കെ പി സി സി പ്രസിഡന്റ് വിമര്‍ശിക്കുന്നത് ശരിയല്ലെന്ന് മുരളി മറുപടി നല്‍കി. പാര്‍ട്ടിയുടെ നന്മയെ കരുതിയാണ് സ്വയം വിമര്‍ശനപരമായി കരുണാകരന്‍ അനുസ്മരണ ചടങ്ങില്‍ താന്‍ കാര്യങ്ങള്‍ പറഞ്ഞത്. നേതാക്കളുടെ അനുസ്മരണ ചടങ്ങില്‍ പുകഴ്ത്തല്‍ മാത്രമല്ല നടക്കേണ്ടതെന്നാണ് താന്‍ മനസിലാക്കിയിട്ടുള്ളത്.
Post Your Comments