ഏത് ഭാഷക്കാരോടും സംസാരിക്കാനായി സ്കൈപ്പിന്റെ പുതിയ ഫീച്ചർ. മറ്റു ഭാഷകളിലുള്ള സംസാരം സ്വന്തം ഭാഷയിലേക്ക് മാറ്റുന്ന ഫീച്ചറായ റിയല്‍ ടൈം ട്രാൻസ്ലേഷൻ സ്കൈപ്പ് മുൻപ് അവതരിപ്പിച്ചിരുന്നെങ്കിലും ലാന്‍ഡ് ലൈനിലേയ്ക്കും മൊബൈല്‍ ഫോണിലേയ്ക്കും വിളിക്കുന്ന കോളുകള്‍ക്കും ഈ ഫീച്ചര്‍ ലഭ്യമാക്കിയിരിക്കുകയാണ് ഇപ്പോൾ.
ഒന്‍പതു സംസാര ഭാഷകളാണ് സ്കൈപ്പ് ഇപ്പോള്‍ ഈ പാക്കേജില്‍ ഉള്‍പ്പെട്ടിരിക്കുന്നത്. ഇംഗ്ലീഷ്, സ്പാനിഷ്, ഫ്രഞ്ച്, ജര്‍മന്‍, ചൈനീസ്, ഇറ്റാലിയന്‍, പോര്‍ച്ചുഗീസ്, അറബിക്, റഷ്യന്‍ എന്നീ ഭാഷകൾ ലഭ്യമാകും. സ്കൈപ്പ് ക്രെഡിറ്റ്‌സോ സബ്‌സ്‌ക്രിപ്ഷനോ ഉപയോഗിക്കുന്നവര്‍ക്ക് ഏതു നോര്‍മല്‍ കോളിലും ഈ സൗകര്യം ലഭ്യമാകുമെന്നാണ് കമ്പനി അറിയിച്ചിരിക്കുന്നത്. ആദ്യം കോള്‍ ചെയ്ത ശേഷം ഡയലര്‍ ഓപ്പണ്‍ ചെയ്ത് ‘ട്രാന്‍സിലേറ്റ്’ ഓൺ ചെയ്‌താൽ മതിയെന്നാണ് കമ്പനി അറിയിച്ചിരിക്കുന്നത്.
Post Your Comments