ശബരിമല : ശബരിമലയില്‍ പോലീസ് ജാഗ്രതാ നിര്‍ദേശം നല്‍കി. തിക്കിലും തിരക്കിലുംപെട്ട് നിരവധി പേര്‍ക്ക് പരിക്കേറ്റ സാഹചര്യത്തിലാണ് ജാഗ്രതാ നിര്‍ദേശം നല്‍കിയത്. പരിക്കേറ്റ 15 പേരെ സന്നിധാനത്തെ ആശുപത്രിയിലേക്ക് മാറ്റി. മാളികപ്പുറത്തിനു സമീപമായിരുന്നു സംഭവം. 35 പേര്‍ക്ക് പരിക്കേറ്റു. നാലു പേരുടെ നില ഗുരുതരമാണെന്നു പറയുന്നു. ഇവരെ പമ്പയിലെ ആശുപത്രിയില്‍ പ്രവേശിപ്പിച്ചു.
തങ്കയങ്കി ഘോഷയാത്ര സന്നിധാനത്ത് എത്തിച്ചേരുന്ന സമയത്താണ് അപകടം സംഭവിച്ചത്. തങ്കയങ്കി ചാര്‍ത്തിയുള്ള ദീപാരാധനയ്ക്കായി വന്‍തിരക്കാണ് ഉണ്ടായിരുന്നത്. തങ്കയങ്കി സന്നിധാനത്ത് എത്തിച്ചേരുന്ന സമയം ആളുകളെ ഇടയ്ക്ക് തടഞ്ഞിരുന്നു. ദീപാരാധനയ്ക്ക് ശേഷം ഭക്തരെ ദര്‍ശനത്തിനായി കടത്തിവിടുമ്പോഴാണ് തിക്കുംതിരക്കും ഉണ്ടായത്. പരിക്കേറ്റവരില്‍ കൂടുതലും അന്യസംസ്ഥാനക്കാരാണ്.
Post Your Comments