തലയോലപറമ്പ് : തലയോലപറമ്പില്‍ മാത്യുവിനെ കൊലപ്പെടുത്തിയ കേസിലെ പ്രതി വൈക്കം ടി.വിപുരം ചെട്ടിയാംവീട് അനീഷാണെന്ന് എട്ട് വർഷങ്ങൾക്ക് ശേഷം പോലീസ് കണ്ടെത്തി .
അനീഷിന്‍റെ പിതാവ് വാസു നൽകിയ നിർണായക മൊഴിയാണ് വര്‍ഷങ്ങള്‍ക്ക് ശേഷം കേസ്സിന് വഴി തിരിവായത്. കൊല്ലപ്പെട്ട മാത്യുവിന്‍റെ മകൾ നൈസിയോടാണ് അനീഷാണ് കൊല നടത്തിയതെന്ന് വാസു വെളിപ്പെടുത്തിയത്. ഉടൻ തന്നെ വാസുവിന്‍റെ മൊഴി ഉൾക്കൊള്ളുന്ന ഒാഡിയോ ടേപ്പ് തലയോലപറമ്പ് പൊലീസിന് കൈമാറിയതോടെയാണ് എട്ട് വർഷം മുമ്പ് നടന്ന കൊലപാതകത്തിന്റെ പ്രതിയെ കണ്ടെത്താൻ സാധിച്ചത്
വ്യാജ നോട്ട് കേസിൽ റിമാൻഡിലായിരുന്ന അനീഷിനെ സംഭവ സ്ഥലത്തെത്തിച്ച് പോലീസ് തെളിവെടുക്കുകയാണ്. പണമിടപാട് സംബന്ധിച്ച തർക്കത്തിനിടയില്‍ മാത്യുവിനെ കൊലപ്പെടുത്തിയ ശേഷം കുഴിച്ചിട്ടെന്ന് അനീഷ് പൊലീസിനോട് കുറ്റ സമ്മതം നടത്തി. ശവശരീരം കുഴിച്ചിട്ട സ്ഥലത്ത് ബഹുനില കെട്ടിടം നിലവിലുള്ളതിനാൽ തറ പൊളിച്ച് മൃതദേഹം കണ്ടെത്താനുള്ള ശ്രമത്തിലാണ് പൊലീസ്.
Post Your Comments