റെയ്ഡ് തുടരുന്നു: പിടിച്ചെടുക്കുന്ന കള്ളപ്പണത്തിൽ അധികവും പുതിയ 2000 രൂപ നോട്ടുകള്‍

മധ്യപ്രദേശില്‍ രണ്ടു പേരില്‍ നിന്നായി 15.40 ലക്ഷം രൂപ കണ്ടെടുത്തു. ഇതിലും 2000 രൂപാ നോട്ടുകൾ ആയിരുന്നു അധികവും.മുംബൈയില്‍ നിന്ന് പിടികൂടിയ 33 ലക്ഷവും 2000 രൂപാ നോട്ടുകളാണ്.മധ്യപ്രദേശിലെ ബലാഗട്ടില്‍ രണ്ടു പേരില്‍ നിന്ന് 15.40 ലക്ഷം രൂപയാണ് പിടികൂടിയത്. പിടിച്ചെടുത്തതില്‍ 14.40 ലക്ഷവും 2000 രൂപ നോട്ടുകളാണ്.

പിടിച്ചെടുത്ത കള്ളപ്പണത്തിൽ അധികവും 2000 രൂപ നോട്ടുകൾ ആയതിനാൽ ബാങ്ക് ഉദ്യോഗസ്ഥർക്കും ഇതിൽ പങ്കുണ്ടെന്നാണ് അന്വേഷണ ഉദ്യോഗസ്ഥർ കരുതുന്നത്.ബാംഗ്ലൂരിൽ ഇന്ന് അനധികൃതമായി ഒന്നരക്കോടിയുടെ പഴയ നോട്ടുകള്‍ മാറ്റി നല്‍കിയ റിസര്‍വ് ബാങ്ക് ഉദ്യോഗസ്ഥന്‍ അറസ്റ്റിലായ വാർത്തക്ക് പിന്നാലെ നിരവധി ബാങ്ക് ഉദ്യോഗസ്ഥർ നിരീക്ഷണത്തിലാണെന്നാണ് റിപ്പോർട്ട്.