മലപ്പുറം: നിലമ്പൂര്‍ കരുളായി വനമേഖലയില്‍ മാവോയിസ്റ്റുകള്‍ ആയുധപരിശീലനം നടത്തിയതായി തെളിവുകൾ പുറത്ത്. നിലമ്പൂര്‍ കാടുകളിൽ കൊല്ലപ്പെട്ട മാവോവാദികളുടെ കൈയില്‍ നിന്നും ലഭിച്ച പെന്‍ഡ്രൈവുകളില്‍ നിന്നാണ് ആയുധപരിശീലനം നടന്നതിനെ പറ്റി വിവരങ്ങള്‍ ലഭിച്ചത്.
കൊല്ലപ്പെട്ട മാവോയിസ്റ്റുകളുടെ പക്കൽ നിന്നും 33 പെന്‍ഡ്രൈവുകളാണ് പോലീസ് കണ്ടെടുത്തത്. പെന്‍ഡ്രൈവില്‍ നിന്നും ലഭിച്ച വിവരങ്ങള്‍ പോലീസ് പരിശോധിച്ച് വരികയാണ്. കൂടാതെ പെന്‍ഡ്രൈവുകളില്‍ നിന്നും ഗ്രനേഡുകള്‍ അടക്കമുള്ളവ ഉപയോഗിക്കാന്‍ പരിശീലനം ലഭിച്ചിട്ടുണ്ടെന്നുള്ളതിന്റെ തെളിവും ലഭിച്ചു.
കൂടാതെ മാവോവാദികളുടെ ദിനചര്യകളുടെ ലിസ്റ്റും പോലീസിന് ലഭിച്ചു. രാവിലെ 6.50 ന് ഹാജര്‍ വിളിക്കും. 6.50 മുതല്‍ വ്യായാമം, 9 മണിക്ക് പ്രാതല്‍, 9.30 മുതല്‍ പരിശീലനം, 12.30 ന് ഉച്ചഭക്ഷണം, 2.30 മുതല്‍ ക്ലാസ്, 4.30 മുതല്‍ 5.30 വരെ വീണ്ടും പരിശീലനം, 5.30 മുതല്‍ 6.30 വരെ ഗ്രനേഡ് ഉപയോഗിക്കാനുള്ള പരിശീലനം ഇങ്ങനെയാണ് മാവോവാദികളുടെ ഒരു ദിവസത്തെ ചാര്‍ട്ട്. രാത്രി തുടര്‍ന്നും ക്ലാസുണ്ട്.
Post Your Comments