മുംബൈ : 2000 രൂപയുടെ ഫോട്ടോകോപ്പി നല്‍കി മദ്യം വാങ്ങാന്‍ ശ്രമിച്ചയാള്‍ അറസ്റ്റില്‍. മുംബൈ വിരാര്‍ ഈസ്റ്റ് സ്വദേശിയായ തുഷാര്‍ ചിക്കാലെയാണ് അറസ്റ്റിലായത്. ഞായറാഴ്ച വൈകിട്ട് മദ്യക്കടയില്‍ ഏറ്റവും തിരക്കേറിയ സമയത്താണ് ഇയാള്‍ ഫോട്ടോകോപ്പി നോട്ടുമായി ബിയര്‍ വാങ്ങാനെത്തിയത്. ഇത് കള്ളനോട്ടാണെന്നു തിരിച്ചറിഞ്ഞ കടയുടമ തുഷാറിനെ പിടികൂടുകയായിരുന്നു. കടയുടമ പോലീസിനു കൈമാറിയ തുഷാറിന്റെ പക്കല്‍നിന്ന് 2000 രൂപയുടെ നിരവധി ഫോട്ടോകോപ്പി നോട്ടുകള്‍ കണ്ടെടുത്തു. നേരത്തെ, ഇയാള്‍ അന്ധേരിയിലെ മദ്യക്കടയില്‍ ഫോട്ടോ കോപ്പി നോട്ടുകള്‍ നല്‍കി മദ്യം വാങ്ങിയെന്നും പോലീസ് അന്വേഷണത്തില്‍ തെളിഞ്ഞിട്ടുണ്ട്.
Post Your Comments