കൊല്‍ക്കത്ത : മാലിന്യക്കൂമ്പാരത്തില്‍ ചാക്കുകള്‍ നിറയെ നോട്ടുകള്‍. നോട്ട് അസാധുവാക്കല്‍ നടപടിക്കു പിന്നാലെ കൊല്‍ക്കത്തയിലാണ് രണ്ട് ചാക്ക് നിറയെ 500, 1000 നോട്ടുകള്‍ മാലിന്യകൂമ്പാരത്തില്‍ ഉപേക്ഷിച്ച നിലയില്‍ കണ്ടെത്തിയത്. ഞായറാഴ്ച രാവിലെ കൊല്‍ക്കത്തയിലെ ഗോള്‍ഫ് ക്ലബ് റോഡിലാണ് പണം കണ്ടെത്തിയത്. നാട്ടുകാരാണ് മാലിന്യ കൂമ്പാരത്തില്‍ നോട്ട് കണ്ടെത്തിയത്. ഉടന്‍ തന്നെ ഇവര്‍ പോലീസിനെ വിവരം അറിയിച്ചു. പോലീസ് നടത്തിയ പരിശോധനയില്‍ യഥാര്‍ഥ നോട്ടുകള്‍ തന്നെയാണ് ഇവയെന്ന് തിരിച്ചറിഞ്ഞു. ശനിയാഴ്ച രാത്രിയിലാവാം നോട്ട് ഉപേക്ഷിച്ചതെന്നാണ് കരുതുന്നത്.
Post Your Comments