റിയാദ്● സൗദി രാജകുമാരന്‍ തുര്‍ക്കി ബിന്‍ അബ്ദുല്‍ അസീസ്‌ അല്‍ സൗദ് അന്തരിച്ചു. ശനിയാഴ്ച സൗദി പ്രസ് ഏജന്‍സിയാണ് ഇക്കാര്യം അറിയിച്ചത്. ഇപ്പോഴത്തെ സൗദി രാജാവായ സല്‍മാന്‍ രാജാവിന്റെ സഹോദരനാണ് തുര്‍ക്കി രാജകുമാരന്‍.
1934 ല്‍ ജനിച്ച രാജകുമാരന്‍ സൗദി സ്ഥാപകനായ അബ്ദുല്‍ അസീസ്‌ ബിന്‍ സൗദ് രാജാവിന്റെ മകനാണ്. 1968 മുതല്‍ 1978 വരെയുളള കാലയളവില്‍ ഉപ പ്രതിരോധമന്ത്രിയായിരുന്നു. മരണകാരണം വ്യക്തമല്ല. സംസ്കാരം നടത്തി.
ശനിയാഴ്ച മുതല്‍ മൂന്ന്‍ ദിവസത്തേക്ക് സല്‍മാന്‍ രാജാവ്‌ അനുശോചനങ്ങള്‍ സ്വീകരിക്കുമെന്ന് കൊട്ടാരം അറിയിച്ചു.
രാജകുമാരന്റെ നിര്യാണത്തില്‍ യുഎഇ പ്രസിഡന്റ് ഹിസ് ഹൈനസ് ഷെയ്ഖ് ഖലീഫ ബിന്‍ സായിദ് അല്‍ നഹ്യാന്‍, വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മഖ്തൂം തുടങ്ങിയവര്‍ അനുശോചനം അറിയിച്ചു.
Post Your Comments