മലപ്പുറം : മലപ്പുറം വെങ്ങാട് സ്‌കൂളിന്റ മേല്‍ക്കൂര തകര്‍ന്ന് വീണ് നിരവധി വിദ്യാര്‍ത്ഥികള്‍ക്ക് പരിക്കേറ്റു. മലപ്പുറം വെങ്ങാട് മജ്ലീസ് എല്‍പി സ്‌കൂളിലാണ് സംഭവം. അപകടത്തില്‍ ആറ് കുട്ടികള്‍ക്ക് തലയ്ക്ക്പരിക്കേറ്റു. പരിക്കേറ്ററ്വരെ വളാഞ്ചേരിയിലെ ആശുപത്രിയില്‍ പ്രവേശിപ്പിച്ചു. മേല്‍ക്കൂര തകര്‍ന്നു വീണ് കുട്ടികള്‍ക്ക് പരുക്കേറ്റ സംഭവത്തില്‍ രക്ഷിതാക്കളുടേയും നാട്ടുകാരുടേയും ഭാഗത്തു നിന്നും സ്‌കൂളിനെതിരെ വ്യാപക പരാതികള്‍ ഉയരുന്നുണ്ട്.
ഉച്ചഭക്ഷണ സമയത്തിനു ശേഷം നാലാം ക്ലാസ്സിലേക്ക് തിരിച്ചെത്തിയ കുട്ടികളുടെ മേലെയാണ് മേല്‍ക്കൂര തകര്‍ന്നു വീണത്. കുട്ടികള്‍ വര്‍ക്ക് എക്സ്പീരിയന്‍സ് ചെയ്തുകൊണ്ടിരിക്കുന്നതിനിടയിലാണ് അപകടം. കാലപ്പഴക്കം കൊണ്ടുള്ള ജീര്‍ണ്ണത മൂലമാണ് മേല്‍ക്കൂര തകര്‍ന്നു വീണതെന്നാണ് സ്‌കൂള്‍ അധികൃതരുടെ ഭാഗത്തു നിന്നും ലഭിക്കുന്ന വിശദീകരണം.
കടപ്പാട് : റിപ്പോര്‍ട്ടര്‍
Post Your Comments