വാഷിങ്ങ്ടൺ: ഡോണാൾഡ് ട്രംപിന്റെ വിജയത്തിൽ അമേരിക്കയിലെ പ്രധാന നഗരങ്ങളിലെല്ലാം പ്രതിഷേധം. ട്രംപിന്റെ വിജയത്തിനെതിരെ പ്രതിഷേധപ്രകടനം നടത്തുന്നവർക്ക് നേരെ വെടിവെപ്പ് ഉണ്ടായി. സിയാറ്റിലിലെ തേർഡ് അവന്യൂവിലാണ് പ്രതിഷേധക്കാർക്കു നേരെ അക്രമി വെടിവെച്ചത്. അഞ്ചു പേർക്ക് വെടിവയ്പ്പിൽ പരിക്കേറ്റു. ഒരാളുടെ നില ഗുരുതരമാണ്.
എന്നാൽ ട്രംപ് വിരുദ്ധ പ്രതിഷേധവുമായി ബന്ധപ്പെട്ടല്ല വെടിവയ്‌പ്പെന്നും വ്യക്തിപരമായ പ്രശ്നങ്ങളാകാം ഇതിനു പിന്നിലെന്ന് കരുതുന്നതായും പോലീസ് അറിയിച്ചു. വാക്കു തർക്കങ്ങൾ നടന്നിട്ടുണ്ടെന്നും കരുതുന്നു. അക്രമി ആൾക്കൂട്ടത്തിലേക്ക് വെടിയുതിർക്കുകയായിരുന്നു. സംഭവത്തിനുശേഷം ഇയാൾ ഒാടി രക്ഷപ്പെട്ടു. അക്രമംനടന്ന ഉടൻ പോലീസും ഫയർഫോഴ്സും സ്ഥലത്തെത്തിയിട്ടുണ്ട്.
Post Your Comments