കൊച്ചി: നിയമസഭക്ക് അകത്തായാലും പുറത്തായാലും എതിരാളികളെ പ്രസംഗത്തിലൂടെ അടിയറവ് പറയിക്കുക എന്നതാണ് പി.സി വിഷ്ണുനാഥിന്റെ രീതി. അത്രക്ക് മൂര്‍ച്ചയേറിയതാണ് വിഷ്ണുനാഥിന്റെ ഓരോ പ്രസംഗങ്ങളും. എന്നാല്‍ തനിക്ക് പ്രസംഗിക്കാന്‍ മാത്രമല്ല പാടാനും അറിയാമെന്ന് തെളിയിച്ചിരിക്കുകയാണ് വിഷ്ണുനാഥിപ്പോള്‍. പി.സി വിഷ്ണുനാഥും സംഗീതഞ്ജന്‍ സാം ശിവയും ചേര്‍ന്ന് പാടിയഭിനയിച്ച മനോഹരമായ മ്യൂസിക് വീഡിയോ ഇതിനോടകം സമൂഹ മാധ്യമങ്ങളില്‍ ഹിറ്റായി കഴിഞ്ഞു.തനത് നാടന്‍ കലകളുടെ കുലപതി എന്നറിയപ്പെടുന്ന കാവാലം നാരായണ പണിക്കരുടെ കറു കറ കാര്‍മുകില്‍ എന്ന നാടന്‍ പാട്ടാണ് ഇരുവരും പാടിയഭിനയിച്ചിരിക്കുന്നത്. ഷാഫി പറമ്പില്‍ എം.എല്‍.എ ഫെയ്‌സ് ബുക്കില്‍ പങ്ക് വെച്ച വീഡിയോ ഇത് വരെ ഇരുപത്തിനാലായിരം ആളുകള്‍ കണ്ടുകഴിഞ്ഞു. സാംശിവ തന്നെയാണ് സംഗീതം നല്‍കിയിരിക്കുന്നത്
Post Your Comments