ഭോപ്പാല്‍: പോലീസ് വെടിവെച്ചു കൊന്ന എട്ട് സിമി പ്രവര്‍ത്തകരുടെ ദൃശ്യങ്ങള്‍ പുറത്തുവന്നു. ഭോപ്പാല്‍ സെന്‍ട്രല്‍ ജയിലില്‍ നിന്ന് തടവ് ചാടിയ എട്ട് സിമി പ്രവര്‍ത്തകരാണ് കൊല്ലപ്പെട്ടത്. ഭോപ്പാലിലെ ഈന്ത്ഗേദി ഗ്രാമത്തിലാണ് ഏറ്റുമുട്ടല്‍ നടന്നത്.
ഇവിടെവെച്ച് പോലീസ് ഇവരെ വധിക്കുകയായിരുന്നു. ഗ്രാമത്തിലെ ഒറ്റപ്പെട്ട സ്ഥലത്തെ പാറക്കെട്ടുകള്‍ക്ക് മുകളില്‍ വെച്ചാണ് ഇവരെ വെടിവെച്ചു കൊന്നത്. ഇതില്‍ ഒരു സിമി പ്രവര്‍ത്തകനെ പോലീസ് ഓഫീസര്‍ വെടിവെക്കുന്നത് ദൃശ്യങ്ങളില്‍ കാണാം.
നിലത്ത് പതുങ്ങി കിടക്കുന്ന സിമി പ്രവര്‍ത്തകനെയാണ് പോലീസുകാരന്‍ വെടിവെക്കുന്നത്. ഇയാളുടെ കൈയ്യില്‍ ആയുധങ്ങളൊന്നും തന്നെയില്ല. ഇന്ന് പുലര്‍ച്ചെ രണ്ട് മണിയോടെയാണ് ഭോപ്പാല്‍ സെന്‍ട്രല്‍ ജയിലില്‍ നിന്നും ഇവര്‍ തടവ് ചാടിയത്. തടവുചാടിയവരുടെ നീക്കങ്ങള്‍ പോലീസിനെ അറിയിച്ച നാട്ടുകാരാണ് പ്രവര്‍ത്തകരെ കണ്ടെത്തുന്നതിന് സഹായിച്ചതെന്നും വിവരങ്ങള്‍ പുറത്തുവന്നു.
Post Your Comments