ശ്രീനഗര്‍: ആയുധങ്ങളുമായി നുഴഞ്ഞുകയറിയ ഭീകരരെ സൈന്യം പിടികൂടി. കഴിഞ്ഞ ദിവസം ആക്രമണം നടന്ന ബാരാമുള്ളയില്‍ നിന്നാണ് രണ്ട് ജയ്ഷ് ഇ മുഹമ്മദ് ഭീകരരെ പിടികൂടിയത്. കനിസ്പോര മേഖലയില്‍വച്ചാണ് ഇവര്‍ പിടിയിലായത്.
എകെ 47 തോക്ക്, പിസ്റ്റള്‍, ഗ്രനേഡ് തുടങ്ങിയ ആയുധങ്ങള്‍ ഇവരുടെ കൈകളില്‍ ഉണ്ടായിരുന്നു. 52 രാഷ്ട്രീയ റൈഫിള്‍സും സ്പെഷല്‍ ഓപ്പറേഷന്‍ ഗ്രൂപ്പും സംയുക്തമായി നടത്തിയ ഓപ്പറേഷനിലാണ് ഭീകരരെ പിടികൂടിയത്.
ജയ്ഷ്, ഹിസ്ബുള്‍ മുജാഹിദ്ദീന്‍ തീവ്രവാദ ഗ്രൂപ്പുകളുടെ ചിഹ്നങ്ങളും ഇവരുടെ കൈവശമുണ്ടായിരുന്നു. സാംബ മേഖലയില്‍ ഒരു പാക് ചാരന്‍ പിടിയിലായതിനു പിന്നാലെയാണ് രണ്ട് ഭീകരര്‍ അറസ്റ്റിലായിരിക്കുന്നത്.
Post Your Comments