കൊല്‍ക്കത്ത : രസകരമായ സംഭവത്തില്‍ വ്യാപാരി അറസ്റ്റില്‍. ഇന്‍ഡിഗോ വിമാനത്തില്‍ ചെന്നൈയിലേക്ക് പോകാന്‍ എത്തിയ വ്യാപാരി മദ്യപിച്ചാണ് നാണക്കേടുണ്ടാക്കുന്ന സംഭവം നടത്തിയത്. മദ്യപിച്ച വ്യാപാരി യാത്രക്കാരിയുടെ ബാഗില്‍ മൂത്രമൊഴിക്കുകയായിരുന്നു. പ്രഭാകര്‍ ഡോറ എന്ന വ്യാപാരിയാണ് അറസ്റ്റിലായത്. രാത്രിയുടെ 11 മണിയുടെ വിമാനത്തിന്റെ അറിയിപ്പ് വന്നതോടെ യാത്രക്കാര്‍ക്കൊപ്പം ചേര്‍ന്ന ഇയാള്‍ പരസ്യമായി ബാഗിന് മുകളിലേക്ക് മൂത്രമൊഴിക്കുകയായിരുന്നു.
സംഭവത്തെത്തുടര്‍ന്ന് ബാഗിന്റെ ഉടമയായ സ്ത്രീ എയര്‍പോര്‍ട്ട് മാനേജരുടെ റൂമിലെത്തി പരാതി നല്‍കുകയായിരുന്നു. സ്ത്രീയുടെ പരാതിയില്‍ ഡോറയെ എയര്‍പോര്‍ട്ട് അധികൃതര്‍ പൊലീസിന് കൈമാറുകയായിരുന്നു. രാത്രി ജയിലില്‍ കഴിഞ്ഞ ഇയാളെ കോടതിയില്‍ ഹാജരാക്കിയ ശേഷം വെള്ളിയാഴ്ച രാവിലെ ജാമ്യത്തില്‍ വിട്ടയച്ചു.
Post Your Comments