പാറ്റ്ന : തെരഞ്ഞെടുപ്പ് അടുത്ത ഉത്തര്‍പ്രദേശില്‍ വിജയിക്കാന്‍ അഖിലേഷ് യാദവിന് ബീഹാര്‍ മുഖ്യമന്ത്രി നിതീഷ് കുമാറിന്റെ ഉപദേശം. മദ്യനിരോധനം നടപ്പിലാക്കാനാണ് നിതീഷിന്റെ ഉപദേശം. ബുദ്ധിമുട്ടാതെ നേട്ടങ്ങള്‍ കൊയ്യാന്‍ സാധിക്കില്ല. കാമ്പുള്ള തീരുമാനങ്ങളും നടപടികളും സ്വീകരിക്കാതെ വലിയ രാഷ്ട്രീയമുന്നേറ്റങ്ങള്‍ സാധ്യമാകില്ലെന്ന് പറഞ്ഞ നിതീഷ് തനിക്ക് ബീഹാറിലെ സ്ത്രീകളുടെയടക്കം പിന്തുണ നേടികൊടുത്ത മദ്യനിരോധനം പോലുള്ള കടുത്ത തീരുമാനങ്ങള്‍ നടപ്പിലാക്കണമെന്നും പറഞ്ഞു.
അഖിലേഷ് ഇന്ത്യന്‍ രാഷ്ട്രീയത്തിന്റെ പുത്തന്‍ മുഖമാണെന്നും മദ്യനിരോധനം നടപ്പിലാക്കാനുള്ള ആര്‍ജ്ജവം അദ്ദേഹം കാണിക്കുകയാണെങ്കില്‍ നിയമസഭാ തെരഞ്ഞെടുപ്പില്‍ വിജയിക്കാന്‍ ആരുടേയും നിഴലിന്റെ പിന്തുണ ആവശ്യമായി വരില്ലെന്നും നിതീഷ് അഭിപ്രായപ്പെട്ടു. അധികാരത്തിലേറിയതിന് ശേഷം എട്ട് തവണ യുപി സന്ദര്‍ശിച്ചിട്ടുള്ള നിതീഷ് വരുന്ന നിയമസഭാ തെരഞ്ഞെടുപ്പില്‍ വിജയിക്കാനായി അഖിലേഷിന് സര്‍വ്വപിന്തുണയും പ്രഖ്യാപിക്കുകയും ചെയ്തു. അതേസമയം യുപിയില്‍ സമാജ് വാദി പാര്‍ട്ടിയുമായി സഖ്യം രൂപീകരിക്കില്ലെന്ന നിലപാടില്‍ നിതീഷ് ഉറച്ചു നിന്നു.
Post Your Comments