ബോബ് ഡിലന് സാഹിത്യ നോബല്‍

സമിതിക്ക് മുമ്പാകെ വന്ന 220 നാമനിർദേശങ്ങളിൽ നിന്ന് തെരഞ്ഞെടുക്കപ്പെട്ട അഞ്ചുപേരിൽ നിന്നാണ് ഡിലന് നറുക്ക് വീണത്. മിലന്‍ കുന്ദേര, അന്റോണിയോ ലോബോ, ഹുവാന്‍ ഗോയിറ്റി സോളോ, മിര്‍സിയ കാര്‍ടാറസ്‌ക്യൂ തുടങ്ങി ലോക സാഹിത്യത്തില്‍ തിളങ്ങി നില്‍ക്കുന്ന പലരുടേയും പേരുകള്‍ പറഞ്ഞു കേട്ടെങ്കിലും ഭ്യഗ്യം തുണച്ചത് ഡിലനെയാണ്. ചരിത്രത്തില്‍ ആദ്യമായി ഒരു സംഗീതജ്ഞനു അവാര്‍ഡ് കൊടുത്തു എന്ന പ്രത്യേകതയും ഈ നോബലില്നു ഉണ്ട്.

1941 മെയ് 24ന് അമേരിക്കയിലെ തീരദേശ നഗരമായ മിന്നസോട്ടയിൽ ജനിച്ച ഡിലൻ ഇടത്തരം കുടുംബത്തിലെ ജൂത അംഗമാണ്. 1992ൽ സാഹിത്യത്തിൽ നൊബേൽ നേടിയ ടോണി മോറിസന് ശേഷം ഈ വിഭാഗത്തിൽ നൊബേൽ നേടുന്ന ആദ്യ അമേരിക്കക്കാരനാണ് ഡിലൻ.

കൌമാരക്കാലത്ത് തന്നെ പാരമ്പര്യ സംഗീതത്തിൽ പ്രശസ്തനായ വൂഡീ ഗുത്രിയുടെയും ബീറ്റ് സംഗീതത്തിെൻറയും സ്വാധീന വലയത്തിലായ ഡിലന്‍ ന്യൂയോർക്കിലെ ക്ലബുകളിലും കഫേകളിലും പാടി നടന്നു. പിന്നീട് സംഗീത നിർമാതാവ് ജോൺ ഹാമ്മൻറുമായി കരാറൊപ്പിട്ടതോടെയാണ് ജീവിത വിജയങ്ങളിലേക്ക് കുതിച്ചു കയറിയത്.

1965ൽ ബ്രിങ്ങിങ് ഇറ്റ് ആൾ ബാക് ഹോം, ഹൈവേ 61 റീവിസിറ്റഡ് എന്നീ ആൽബങ്ങളും 66ൽ പുറത്തിറക്കിയ ഡിലന്‍ നാടന്‍ ശൈലിയിലൂടെ പാട്ടിന്റെ ലോകത്ത് പ്രശസ്തനായി. ബ്ലോണ്ട് ഒൺ ബ്ലോണ്ട്, 75ലെ ബ്ലൂഡ് ഒൺ ദ ട്രാക്സ്, 89ലെ ഒാ മെഴ്സി, 97ലെ ടൈം ഒൗട്ട് ഒാഫ് മൈൻഡ്, 2006ലെ മോഡേൺ ടൈംസ്, ബ്ലോവിൽ ഇൻ ദ വിൻര്‍, ദ ടൈംസ് ദെ ആർ എ ചാങ്കിന്‍ എന്നിവ ഡിലൻ പുറത്തിറക്കിയ ആൽബങ്ങളാണ്.