വാഷിംഗ്ടണ്‍: മുന്‍ ലോക സുന്ദരിയെ വീണ്ടും അപമാനിച്ച്‌ യുഎസ് പ്രസിഡന്റ് തെരഞ്ഞെടുപ്പിലെ റിപ്പബ്ലിക്കന്‍ സ്ഥാനാര്‍ഥി ഡൊണാള്‍ഡ് ട്രംപിന്റെ ട്വീറ്റ്. വെനസ്വേലക്കാരി അലീസിയ മഷാഡോയുടെ ജീവിതം അമേരിക്കന്‍ ജനത പരിശോധിക്കണമെന്ന് ട്രംപ് പറഞ്ഞു.
മഷാഡോയെ അമേരിക്കക്കാരിയാക്കാനാണ് ഹില്ലരി ശ്രമിക്കുന്നതെന്നും ട്രംപ് അഭിപ്രായപ്പെട്ടു. എന്നാല്‍ ട്രംപിന്റെ മനോനില തെറ്റിയെന്നായിരുന്നു ഹില്ലരിയുടെ പ്രതികരണം. മുന്‍ ലോക സുന്ദരിയുടെ ജീവിതത്തിലെ കറുത്ത അധ്യായങ്ങളാണ് തന്നെ കൊണ്ട് ഇങ്ങനെ പറയിപ്പിച്ചതെന്നായിരുന്നു ഡൊണാള്‍ഡ് ട്രംപിന്റെ പുതിയ പ്രതികരണം.
ലോകസുന്ദരിപ്പട്ടം കിട്ടിയശേഷം തടിവച്ചപ്പോള്‍ പന്നിക്കുട്ടിയെന്നു വിളിച്ച്‌ ട്രംപ് അപമാനിച്ചെന്നാണു വെനസ്വേലക്കാരി അലിസിയ മഷാഡൊ വെളിപ്പെടുത്തിയത്. ട്രംപിന്റെ ലാറ്റിനമേരിക്കന്‍ വിദ്വേഷത്തിനു താനും ഇരയായെന്ന്‍ അലിസിയ പറഞ്ഞിരുന്നു.
Post Your Comments