പ്രവാസി യാത്രക്കാര്‍ക്ക് ഒരു സന്തോഷ വാര്‍ത്ത

മസ്ക്കറ്റ്● ഒമാനില്‍ നിന്നുള്ള യാത്രക്കാര്‍ക്ക് പ്രത്യേക ബാഗേജ് ആനൂകൂല്യവുമായി ദേശിയ വിമാനക്കമ്പനിയായ എയര്‍ഇന്ത്യയുടെ ചെലവ് കുറഞ്ഞ വിമാനസര്‍വീസായ എയര്‍ഇന്ത്യ എക്സ്പ്രസ്. ചെക്ക് ഇന്‍ ബാഗേജായ 30 കിലോയ്ക്കും ഹാന്‍ഡ് ബാഗേജായ ഏഴ് കിലോയ്ക്കും പുറമേ 20 കിലോഗ്രാം സാധനങ്ങള്‍ കൂടി പ്രത്യേക നിരക്ക് നല്‍കി കൊണ്ടുപോകാം.

അഞ്ചു കിലോയ്ക്ക് അഞ്ചര ഒമാന്‍ റിയാലും പത്തുകിലോയ്ക്ക് 11 റിയാലും 20 കിലോഗ്രാമിന് 21 റിയാലും നല്‍കിയാല്‍ മതിയാകും. ടിക്കറ്റ് ബുക്ക്‌ ചെയ്യുമ്പോള്‍ തന്നെ ഇതിനുള്ള തുകയും അടയ്ക്കണം. ആദ്യം ടിക്കറ്റ് ബുക്ക്‌ ചെയ്യുന്ന നിശ്ചിത യാത്രക്കാര്‍ക്ക് മാത്രമാകും ആനുകൂല്യം ലഭിക്കുക. സെപ്റ്റംബര്‍ 16 മുതല്‍ നവംബര്‍ 30 വരെയാണ് ഈ ആനുകൂല്യം ലഭ്യമാകുക.