ബോണെമൗത്ത് : ഇംഗ്ലണ്ടിലെ ബോണെമൗത്തില്‍ മോഷണത്തിന് എത്തിയ കള്ളന് സംഭവിച്ച രസകരമായ അബന്ധമാണ് പുതിയ വാര്‍ത്ത. 32 കാരനായ ഡേവിഡ് ആണ് പോള്‍ ഹാറ്റോണ്‍ എന്നയാളുടെ വീടിന്റെ ഡോര്‍ പൊള്ളില്‍ മോഷണത്തിന് എത്തിയത്.
സാധനങ്ങള്‍ തിരയുന്നതിനിടയില്‍ മദ്യത്തിന്റെ കുപ്പി കയ്യില്‍ കള്ളന്റെ കൈയ്യില്‍ കിട്ടുകയായിരുന്നു. പിന്നീട് സംഭവിച്ച കാര്യങ്ങളൊന്നും മോഷ്ടാവിന് ഓര്‍മ്മയില്ല.
വീട്ടില്‍ ഘടിപ്പിച്ച അലാം വഴി കള്ളന് കയറിയ വിവരം സന്ദേശം ലഭിച്ചു. പോള്‍ എത്തുമ്പോള്‍ ഹാളിലെ സോഫയില്‍ ബോധരഹിതനായി ഉറങ്ങുന്ന മോഷ്ടാവിനെയാണ് കാണുന്നത്. തുടര്‍ന്ന് പോള്‍ മോഷ്ടാവിനെ വീടിന് പുറത്തിറക്കി പോലീസില്‍ അറിയിക്കുകയായിരുന്നു. മോഷ്ടാവിന്റെ ഫോട്ടോകള്‍ പകര്‍ത്തുകയും ചെയ്തിട്ടുണ്ട്. സംഭവം പുറത്തറിഞ്ഞ നാട്ടുകാരും കള്ളനെ കാണാന്‍ എത്തിയിരുന്നു. എന്നാല്‍ ഇതൊന്നും കള്ളന് അറിഞ്ഞിരുന്നില്ല. പോലീസ് സ്‌റ്റേഷനില്‍ എത്തിയതിന് ശേഷമാണ് ഇയാള്‍ക്ക് സ്വബോധം തിരിച്ച് കിട്ടുന്നത്.
Post Your Comments