പരമ്പര സ്വന്തമാക്കി ഇന്ത്യ

ഗ്രോസ് ഇസ്‌ലേറ്റ്: ഇന്ത്യക്കെതിരായ മൂന്നാം ടെസ്റ്റില്‍ ആതിഥേയരായ വിന്‍ഡീസിന് ദയനീയ തോല്‍വി. രണ്ടാം ഇന്നിങ്‌സില്‍ ഏഴിന് 217 എന്ന സ്‌കോറില്‍ ഡിക്ലയര്‍ ചെയ്ത ഇന്ത്യക്കെതിരെ വിന്‍ഡീസ് 108 റണ്‍സിനാണ് പരാജയപ്പെട്ടത്.ഇതോടെ ഇന്ത്യ 237 റണ്‍സ് ജയത്തോടെ നാല് ടെസ്റ്റുകളുള്ള പരമ്പരയില്‍ കിരീടം ഉറപ്പിക്കുകയായിരുന്നു. സ്‌കോര്‍ നില ഇന്ത്യ- 353, 225/7; വിന്‍ഡീസ്- 227, 108

മത്സരത്തിന്റെ അവസാന ദിനമായ ഇന്ന് മൂന്നിന് 157 എന്ന സ്‌കോറുമായി ഇറങ്ങിയ ഇന്ത്യ വെറും ഒമ്പത് ഓവറില്‍ 60 റണ്‍സ് ചേര്‍ത്ത് ഇന്നിങ്‌സ് പേസര്‍ ഡിക്ലയര്‍ ചെയ്തു .41 റണ്‍സുമായി ബാറ്റിങ്ങിനിറങ്ങിയ രോഹിത് ശര്‍മയെ നഷ്ടമായെങ്കിലും അര്‍ധസെഞ്ച്വറിയുമായി ബാറ്റിങ് തുടര്‍ന്ന അജിങ്ക്യ രഹാനെ 78 റണ്‍സെടുത്ത് പുറത്താകാതെ നിന്നു.346 റണ്‍സിന്റെ വമ്പന്‍ വിജയലക്ഷ്യവുമായിറങ്ങിയ വിന്‍ഡീസ് ഇന്ത്യന്‍ ബൗളിങ്ങിനു മുന്നില്‍ തകര്‍ന്നടിയുകയായിരിന്നു.ഇന്നത്തെ ജയത്തോടെ ഇന്ത്യ പരമ്പരയില്‍ 2-0ന്റെ ലീഡ് സ്വന്തമാക്കുകയായിരുന്നു.ആദ്യ ടെസ്റ്റ് ഇന്ത്യ ജയിച്ചപ്പോള്‍ രണ്ടാം ടെസ്റ്റ് സമനിലയിലാവുകയായിരിന്നു. പരമ്പരയിലെ അവസാന ടെസ്റ്റ് ആഗസ്ത് പതിനെട്ടിന് ആരംഭിക്കും.