മോസ്കോ: മൊബൈല്‍ ഗെയിമായ പോക്കിമോന്‍ ഗോയിലെ പോക്കിമോന്‍ കഥാപാത്രം തന്നെ ബലാത്സംഗം ചെയ്തുവെന്ന പരാതിയുമായി റഷ്യയിലെ ഒരു യുവതി രംഗത്ത്. ഇക്കാര്യം ചൂണ്ടികാട്ടി യുവതി പൊലീസില്‍ പരാതി നല്‍കി. മോസ്‌കോയിലെ തന്റെ കിടപ്പുമുറിയില്‍ വച്ച് പോക്കിമോന്‍ തന്നെ ബലാത്സംഗം ചെയ്തുവെന്നും ഇപ്പോഴും തന്റെ മുറിയില്‍ പോക്കിമോന്‍ ഒളിച്ചിരിക്കുന്നുണ്ടെന്ന വ്യത്യസ്തമായി പരാതിയുമായാണ് യുവതി എത്തിയത്. പൊലീസിനെ കുഴയ്ക്കുന്ന പരാതിയുമായി സ്റ്റേഷനിലെത്തിയ യുവതിയെ കണ്ട് പൊലീസ് ആദ്യം അമ്പരന്നെങ്കിലും ഇവരെ മാനശാസ്ത്രജ്ഞനെ കാണിക്കണമെന്ന് ഭര്‍ത്താവിന് നിര്‍ദ്ദേശം നല്‍കി പറഞ്ഞുവിട്ടു.
നിരവധി പോക്കിമോന്മാര്‍ തന്റെ വീട്ടില്‍ കറങ്ങി നടക്കുന്നുണ്ടെന്നും തന്റെ നായയ്ക്ക് അവരെ തിരിച്ചറിയാന്‍ സാധിക്കുന്നുണ്ടെന്നുമാണ് ഈ സ്ത്രീ വെളിപ്പെടുത്തുന്നത്. താന്‍ പോക്കിമോന്‍ കളിക്കുമ്പോള്‍ നായ നിര്‍ത്താതെ കുരയ്ക്കാറുണ്ടെന്നും ഇവര്‍ പറയുന്നു. എന്നാല്‍ താന്‍ ഭാര്യ പറഞ്ഞതൊന്നും വിശ്വസിച്ചിട്ടില്ലെന്നും സൈക്യാട്രിസ്റ്റിനെ കാണാന്‍ നിര്‍ദേശിച്ചിട്ടുണ്ടെന്നുമാണ് ഭര്‍ത്താവ് പൊലീസിനോട് പ്രതികരിച്ചിരിക്കുന്നത്.
Post Your Comments