ആലപ്പുഴ: കോണ്‍ഗ്രസ് എം.പി ജ്യോതിരാദിത്യ സിന്ധ്യ സഞ്ചരിച്ചിരുന്ന കാറിടിച്ച്‌ വൃദ്ധന്‍ മരിച്ചു. ആലപ്പുഴ പുതിയകാവ് സ്വദേശി ശശിയാണ് മരിച്ചത്. ഇന്ന് രാവിലെ തങ്കി ജംഗ്ഷനില്‍ ബിഷപ്പ് മൂര്‍ സ്കൂളിന് സമീപത്ത് വച്ചായിരുന്നു സംഭവം. ആലപ്പുഴയില്‍ ഒരു പരിപാടിയില്‍ പങ്കെടുക്കുന്നതിനായാണ് സിന്ധ്യ കേരളത്തിലെത്തിയത്.
നെടുന്പാശേരി വിമാനത്താവളത്തില്‍ നിന്ന് റോഡ് മാര്‍ഗം ആലപ്പുഴയിലേക്ക് വരികയായിരുന്ന കാര്‍ ശശി സഞ്ചരിച്ചിരുന്ന ഇരുചക്ര വാഹനത്തില്‍ കാര്‍ ഇടിക്കുകയായിരുന്നു. ഉടന തന്നെ ശശിയെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിച്ചു.ആലപ്പുഴ എം.പി കെ.സി.വേണുഗോപാലും മൂന്ന് കോണ്‍ഗ്രസ് നേതാക്കളും സിന്ധ്യക്കൊപ്പമുണ്ടായിരുന്നു.
ശശിയുടെ കുടുംബത്തിന്റെ ദു:ഖത്തില്‍ പങ്കു ചേരുന്നതായി സിന്ധ്യ ട്വിറ്ററിലൂടെ അറിയിച്ചു.പിന്നീട് അദ്ദേഹം ശശിയുടെ കുടുംബാംഗങ്ങളെ സന്ദര്‍ശിക്കുമെന്ന് വേണുഗോപാല്‍ പറഞ്ഞു. കാറും ഡ്രൈവറേയും പൊലീസ് കസ്റ്റഡിയില്‍ എടുത്തു.
Post Your Comments