മകന് കൂടുതല്‍ സ്‌നേഹം ഭാര്യയോട്; അമ്മ മകന്റെ ഭാര്യയെ കഴുത്തറുത്ത് കൊന്നു

താനെ: മകന്‍ തന്നേക്കാള്‍ കൂടുതല്‍ ഭാര്യയെ സ്‌നേഹിക്കുന്നതില്‍ പ്രതിഷേധിച്ച് മധ്യവയസ്‌ക മകന്റെ ഭാര്യയെ കൊലപ്പെടുത്തി. താനെയിലെ മുംബ്രയിലാണ് സംഭവം. 56കാരിയായ റഷീദ അക്ബറലി വസാനിയാണ് മകന്റെ ഭാര്യയയും അവരുടെ മാതാവിനെയും കൊലപ്പെടുത്തിയത്.

മരുമകള്‍ക്കും അമ്മയ്ക്കും മയക്കുമരുന്ന് കലര്‍ത്തിയ ആഹാരം നല്‍കിയ ശേഷം ഇരുവരുടെയും കഴുത്തറുത്ത് കൊലപ്പെടുത്തുകയായിരുന്നു. കൊലപാതകത്തിന് ശേഷം റഷീദ ഇരുവരുടെയും ചെവികള്‍ അറുത്ത് മാറ്റി. തിങ്കളാഴ്ച വൈകിട്ടാണ് ഇരട്ടക്കൊലപാതകം നടന്നത്.
സല്‍മ മക്ദും (24), അമ്മ ഷമീം ലത്തീഫ് ഷെയ്ഖ് (54) എന്നിവരാണ് മരിച്ചത്. ഇവര്‍ മുംബൈയിലെ കുര്‍ള സ്വദേശികളാണ്.