ബ്രസീല്‍ :റിയോ ഒളിമ്പിക്‌സിന് പിന്തുണയുമായി സാനിയ .ഇന്ത്യന്‍ ടീമിനെ പിന്തുണക്കാന്‍ ദേശീയ പതാകയുടെ ഇമോജിയുമായാണ് താരത്തിന്റെ കടന്നു വരവ് . ഇന്ത്യയുടെ ടെന്നീസ് താരം സാനിയ മിര്‍സയാണ് ദേശീയ പതാകയുടെ ഇമോജി പുറത്തിറക്കിയത്. റിയോയില്‍ വച്ച് വീഡിയോ സംഭാഷണത്തിലൂടെയാണ് സാനിയ ഇമോജി പരിചയപ്പെടുത്തുന്നത്. വീഡിയോ ട്വിറ്ററിലൂടെ താരം പുറത്തുവിട്ടു.
ഇമോജി പുറത്തിറക്കാനായതില്‍ അഭിമാനിക്കുന്നുവെന്നും ടെന്നീസ് ടീമംഗങ്ങള്‍ക്ക് തന്റെ എല്ലാ പിന്തുണയുണ്ടാകുമെന്നും സാനിയ അഭിപ്രായപ്പെട്ടു. ടെന്നീസ് ടീമംഗങ്ങള്‍ റിയോയില്‍ പരിശീലിക്കുന്ന ഫോട്ടോയും സാനിയ ട്വിറ്ററില്‍ പോസ്റ്റ് ചെയ്തതിട്ടുണ്ട് . റിയോ ഒളിമ്പിക്‌സിന്റെ ഉദ്ഘാടന ചടങ്ങില്‍ ഇന്ത്യന്‍ പതാക ഏന്തുന്നതിന് അവസരം ലഭിച്ചതില്‍ വളരെയധികം അഭിമാനമുണ്ടെന്നും സാനിയ കൂട്ടിച്ചേര്‍ത്തു.
Post Your Comments