ഹൈദ്രാബാദ് : പല ആരാധനാലയങ്ങളില്‍ ഉദ്ദിഷ്ടകാര്യസിദ്ധിയ്ക്ക് ഭക്തര്‍ എത്താറുണ്ട്. കുടുംബപ്രശ്‌നങ്ങള്‍ പരിഹരിയ്ക്കാനും അഭിവൃദ്ധിയുണ്ടാകാനും വിവാഹം നടക്കാനുമെല്ലാം വഴിപാടുകള്‍ കഴിയ്ക്കാന്‍ പ്രത്യേക ആരാധനാലയങ്ങള്‍ ഉണ്ടാകും. എന്നാല്‍ യു.എസ് വിസ കിട്ടാന്‍ മാത്രമായി അനുഗ്രഹിയ്ക്കുന്ന ഒരു ക്ഷേത്രം. ഹൈദ്രാബാദിലെ ചില്ക്കൂരിലാണ് ഈ ബാലാജി ക്ഷേത്രം. വിസ ബാലാജി എന്നാണ് ഈ പ്രതിഷ്ഠ ഇപ്പോള്‍ അറിയപ്പെടുന്നത്.
വിസ ഇന്റര്‍വ്യൂവിനു മുന്‍പാണ് ഇവിടെ വന്ന് പ്രാര്‍ത്ഥിച്ച് വഴിപാടുകള്‍ കഴിയ്‌ക്കേണ്ടത്. വിസ കിട്ടിയാല്‍ ഉദ്ദിഷ്ട കാര്യത്തിന് ഉപകര സ്മരണയായി നൂറ്റിയെട്ട് പ്രാവശ്യം ക്ഷേത്രത്തിനു വലം വയ്ക്കുകയും വേണം. വിസാ ദൈവത്തിന്റെ അനുഗ്രഹത്താല്‍ അമേരിക്കയില്‍ പോയി ഡോളര്‍ വാരുന്നവര്‍ നിരവധിയെന്നാണ് ഗ്രാമവാസികള്‍ പറയുന്നത്.
Post Your Comments