ആൻഡ്രോയ്ഡ് ഉപഭോകതാക്കൾക്ക് ഇനി സന്തോഷിക്കാം . പ്രിസ്മ ഉപയോഗിച്ച് ഇനി ആൻഡ്രോയ്ഡ് ഫോണിലും ഫോട്ടോ എഡിറ്റ് ചെയ്യാം. പ്രിസ്മയുടെ ബീറ്റാ പതിപ്പ് ഉടനെ എത്തുമെന്നാണ് ആപ്ലിക്കേഷന്‍ നിര്‍മാതാക്കള്‍ ഇപ്പോള്‍ നല്‍കുന്ന സൂചനകള്‍. ബീറ്റ പതിപ്പ് ലഭ്യമാക്കുന്നതിനുള്ള രജിസ്ട്രേഷന്‍ പ്രിസ്മ ആരംഭിച്ചുകഴിഞ്ഞു. ജൂലൈ അവസാനവാരം തന്നെ പ്രിസ്മ ആൻഡ്രോയ്ഡിൽ പ്രാവർത്തികമാക്കാനാണ് കമ്പനിയുടെ തീരുമാനം.
ഫോട്ടോകളെ നിമിഷങ്ങള്‍ക്കകം മോഡേണ്‍ ആര്‍ട്ട് ആക്കിമാറ്റുന്ന പ്രിസ്മ ആപ്ലിക്കേഷന്‍ തരംഗമായിട്ട് നാളുകള്‍ കുറച്ചായി. റഷ്യന്‍ സ്റ്റാര്‍ട്ടപ്പ് ആണ് പ്രിസ്മയുടെ നിര്‍മാതാക്കള്‍. വാന്‍ഗോഗ്, പിക്കാസോ തുടങ്ങിയ പ്രശസ്ത ചിത്രകാരന്‍മാരുടെ ഡ്രോയിങ് രീതിയിലും ലോകപ്രശസ്തമായ മറ്റു പാറ്റേണുകളിലുമാണ് പ്രിസ്മ ചിത്രങ്ങള്‍ തീര്‍ക്കുന്നത്.
Post Your Comments