ഐഡിയയും എയര്‍ടെല്ലും ഡാറ്റനിരക്കുകള്‍ വെട്ടിക്കുറച്ചു

ഐഡിയയും എയര്‍ടെല്ലും ഡാറ്റനിരക്കുകള്‍ വെട്ടിക്കുറച്ചു.എയർടെൽ 655 രൂപയുടെ 4ജി, 3ജി പാക്കേജില്‍ 3ജിബി ഡാറ്റ എന്നുള്ളത് 5 ജിബിയായി ഉയര്‍ത്തി. 455 രൂപ പാക്കില്‍ 2ജിബി എന്നത് 3 ജിബി ഡാറ്റയാക്കി ഉയര്‍ത്തി. മിക്ക പാക്കുകള്‍ക്കും 48 % മുതല്‍ മുകളിലേക്ക് നിരക്ക് വെട്ടിക്കുറച്ചിട്ടുണ്ട്. 25 രൂപയ്ക്ക് 100 എംബി ലഭിച്ചിരുന്ന പാക്കില്‍ 145 എംബി ഡാറ്റ ഉപയോഗിക്കാം.

നേരത്തെ ലഭിച്ചിരുന്നതിനേക്കാള്‍ 45 % അധികം ഡാറ്റ ഉപയോഗിക്കാമെന്നാണ് ഐഡിയ നല്‍കുന്ന ഓഫര്‍. 4ജി, 3ജി, 2ജി തുടങ്ങി എല്ലാ നെറ്റ്‌വര്‍ക്കുകളിലും പുതിയ ആനുകൂല്യം ലഭിക്കും.1 ജിബിക്ക് താഴെയുള്ള ഡാറ്റ പ്ലാനുകളുടെ വിലയാണ് മുഖ്യമായും കുറച്ചിരിക്കുന്നത്.