വില്‍സ്റ്റെയര്‍: പോക്കിമോന്‍ ഗോ കളിച്ച് ആരാധകര്‍ക്ക് അക്കിടി പറ്റുന്നു .സൗത്ത് വെസ്റ്റ് ഇംഗ്ലണ്ടിലെ വൈല്‍സ്‌റ്റെയറിൽ പോക്കിമോന്‍ ഗോയില്‍ അത്ഭുതങ്ങള്‍ തേടിപ്പോയ ഒരു സംഘം കൗമാരക്കാർ ഗുഹയ്ക്കുള്ളിൽപ്പെട്ടു. ഗുഹയ്ക്കുള്ളില്‍ കുടുങ്ങിയ സംഘത്തെ പുറത്തെത്തിച്ചത് ഖനി രക്ഷാ പ്രവര്‍ത്തകരും ഫയര്‍ഫോഴ്‌സും എത്തിയാണ്.
പോക്കിമോനെ തേടി ഗുഹയ്ക്കുള്ളിലേക്ക് കടന്ന 4 പേരാണ് ഫോണിന്റെ സിഗ്നല്‍ നഷ്ടപ്പെട്ടതോടെ ഏറെ നേരെ ഗുഹക്കുള്ളില്‍ കുടുങ്ങിക്കിടന്നത്. സിഗ്നല്‍ കിട്ടിയപ്പോള്‍ ഫയര്‍ഫോഴ്‌സില്‍ വിവരമറിയിച്ചതാണ് ഇവര്‍ക്ക് രക്ഷയായത്. ക്വാറികളും ഗുഹകളും നിറഞ്ഞ ഒരു പ്രദേശത്താണ് നാല് പേരും അകപ്പെട്ടുപോയത്. പൊതുജനങ്ങള്‍ക്ക് പ്രവേശനമുള്ള ഗുഹക്കുള്ളിലെ ചില ഭാഗങ്ങള്‍ പ്രതിരോധമന്ത്രാലയം അടച്ചിട്ടിരിക്കുകയാണ്. പോക്കെമോന്‍ ഉയര്‍ത്തുന്ന സുരക്ഷാ ഭീഷണികളെക്കുറിച്ച് ഏറെ ചര്‍ച്ചകള്‍ നടന്നുവരുന്ന സാഹചര്യത്തിലാണ് ലോകത്തിന്റെ പല ഭാഗങ്ങളില്‍ നിന്നും ഇത്തരത്തിലുള്ള വാര്‍ത്തകള്‍ വരുന്നത്.
Post Your Comments