ഇന്ത്യയിലെ വൃത്തിയുള്ള സ്ഥലങ്ങളിൽ മുന്നില്‍ കേരളത്തിലെ ഈ ജില്ല

ന്യൂഡല്‍ഹി: മാലിന്യ നിര്‍മാര്‍ജനം മുഖ്യ മാനദണ്ഡമാക്കി സി.എസ്.ഇ നടത്തിയ സര്‍വേയില്‍ ആലപ്പുഴ മുന്നിലെത്തി. ഗോവയിലെ പനാജിയും കര്‍ണാടകയിലെ മൈസൂരുവുമാണ് ആലപ്പുഴയെ കൂടാതെ സര്‍വേയില്‍ ആദ്യ മൂന്നില്‍ ഇടം പിടിച്ചത്.

ചപ്പു ചവറുകള്‍ മറ്റൊരിടത്തേക്ക് വലിച്ചെറിയുന്നത് മാലിന്യം ഇല്ലാതാക്കുന്നതിന് പരിഹാരമല്ല, അത് പൂര്‍ണ്ണമായും നിര്‍മാര്‍ജനം ചെയ്യുകയാണ് വേണ്ടെതെന്നും സര്‍വേ റിപ്പോര്‍ട്ട് പ്രസിദ്ധപ്പെടുത്തി കൊണ്ട് കേന്ദ്ര നഗര വികസന മന്ത്രി വെങ്കയ്യ നായിഡു പറഞ്ഞു. തലസ്ഥാന നഗരമായ ഡല്‍ഹിയിലും ബെംഗളൂരുവിലും ചണ്ഡീഗഢിലും തൂത്തുവാരുന്നുണ്ടെങ്കിലും മാലിന്യം പലയിടത്തും ബാക്കിയാകുന്നവെന്ന് റിപ്പോര്‍ട്ടില്‍ പറയുന്നു. ഈ നഗരങ്ങള്‍ പട്ടികയില്‍ ഏറെ താഴെയാണ്.