ചൈനയിലെ ചിത്രപ്രദര്‍ശനത്തില്‍ പിണറായിയും

തിരുവനനന്തപുരം ● ചൈനയില്‍ നടക്കുന്ന ചിത്രപ്രദര്‍ശനത്തില്‍ കേരള മുഖ്യമന്ത്രി പിണറായി വിജയന്‍റെ ചിത്രവും ഇടപിടിച്ചു. പിണറായി വിജയന്‍ തന്നെയാണ് തന്റെ ഔദ്യോഗിക ഫേസ്ബുക്ക്‌ പേജിലൂടെ ചിത്രം പങ്കുവച്ചത്. ചൈനയിലെ ഗ്വാങ്ങ്ദോങ്ങ് പ്രവിശ്യയുടെ തലസ്ഥാനമായ ഗ്വാങ്ങ്ഷൗവിൽ നടന്ന ഇമേജസ് ഓഫ് ഇന്ത്യ എന്ന ചിത്രപ്രദർശനത്തിൽ ‘പിണറായി വിജയൻ’ എന്നു കണ്ട് ഒരു സുഹൃത്ത് അയച്ചു തന്ന ചിത്രമാണിതെന്ന് പിണറായി പറഞ്ഞു. ദക്ഷിണേന്ത്യൻ കാഴ്ച്ചകൾ പകർത്താൻ എത്തിയ ചൈനീസ് യുവാക്കളായ സൺ ഗെ, ജിയാങ്ങ് യുവെ, ജിൻ ചെങ് എന്നിവരുടെ പെയിന്റിങ്ങുകളാണ് പ്രദർശനത്തിലുണ്ടായിരുന്നതെന്നും ഇന്ത്യൻ കോൺസുലേറ്റിലെ മലയാളി ശ്രീ പി വി മനോജ് ആണ് പ്രദർശനം ഉത്ഘാടനം ചെയ്തതെന്നും അദ്ദേഹം പറഞ്ഞു.