നിര്‍മാണ തീയതി രേഖപ്പെടുത്താതെ മരുന്ന് കമ്പനികളുടെ തട്ടിപ്പ്

തിരുവനന്തപുരം: ബാച്ച് നമ്പറും നിര്‍മാണ തിയതിയും പോലും രേഖപ്പെടുത്താതെ ഇറക്കിയ മരുന്നിന് നിശ്ചയിച്ച വിലയേക്കാള്‍ 32 രൂപ അധികം ഈടാക്കിമരുന്ന് കമ്പനികളുടെ കൊള്ള.

വില നിയന്ത്രണ പട്ടികയിലുള്‍പ്പെട്ട ആന്റിബയോട്ടിക്കായ സെഫിക്‌സിം മരുന്നിന് നിശ്ചിത വിലയേക്കാള്‍ 32 രൂപ കൂടുതലാണ് . കൂടാതെ ഈ മരുന്നുകളുടെ സ്ട്രിപ്പില്‍ ബാച്ച് നമ്പരോ നിര്‍മാണത്തിയതിയോ ഒന്നും പ്രിന്റ് ചെയ്തിട്ടില്ല. പകരം സ്റ്റിക്കര്‍ ഒട്ടിച്ചിരിക്കുകയാണ്. നിര്‍മാണ തിയതിയും കാലാവധി അവസാനിക്കുന്ന സമയവും വിലയുമൊക്കെ ഇത് മൂലം മാറ്റി ഒട്ടിക്കാൻ സാധിക്കും. ഡ്രഗ്‌സ് ആന്റ് കോസ്‌മെറ്റിക് നിയമത്തിന്റെ നഗ്‌നമായ ലംഘനമാണിത്.