കൊച്ചി: വിദ്യാര്‍ത്ഥികള്‍ക്ക് ആകര്‍ഷകമായ നിരക്കില്‍ കോളുകളും ഡാറ്റാ ഉപയോഗവും ലഭ്യമാക്കുന്ന ‘സ്റ്റുഡ്ന്റ്സ് സ്പെഷ്യല്‍’ പദ്ധതി ബി.എസ്.എന്‍.എല്‍ അവതരിപ്പിച്ചു. ആദ്യമാസം ഒരു ജിബി ഡാറ്റാ ഉപയോഗം സൗജന്യമായി ലഭ്യമാക്കുന്ന ഒരു വര്‍ഷ കാലാവധിയുള്ള പുതിയ പ്ളാനിന് 118 രൂപയാണ് നിരക്ക്. ഇതോടൊപ്പം പത്ത് രൂപയുടെ ഫുള്‍ ടോക്ടൈമും ലഭിക്കും. ആദ്യ രണ്ടു മാസക്കാലയളവില്‍ കേരളത്തിനുള്ളില്‍ ബി.എസ്.എന്‍.എല്‍ നമ്പറുകളിലേക്ക് മിനുറ്റിന് പത്ത് പൈസ നിരക്കിലും മറ്റു നമ്പറുകളിലേക്ക് 30 പൈസാ നിരക്കിലും വിളിക്കാം. ഇക്കാലയളവില്‍ എസ്.എം.എസ് നിരക്ക് 15 പൈസയാണ്. പുതിയ വരിക്കാര്‍ക്കും മറ്റു നെറ്റുവര്‍ക്കുകളില്‍ നിന്ന് ബി.എസ്.എന്‍.എലിലേക്ക് പോര്‍ട്ട് ചെയ്യുന്നവര്‍ക്കും പദ്ധതി ലഭിക്കും.
Post Your Comments