കോട്ടയം : ചിങ്ങവനത്ത് അന്യസംസ്ഥാന തൊഴിലാളികള്‍ വീടുകയറി ആക്രമിക്കാന്‍ ശ്രമിച്ചതായി പരാതി. മദ്യപിച്ച് എത്തിയത് ചോദ്യം ചെയ്തതാണ് അക്രമണ കാരണമെന്ന് പോലീസ് അറിയിച്ചു. സംഭവത്തില്‍ ഇതരസംസ്ഥാന തൊഴിലാളികളായ മൂന്നുപേരെ ചിങ്ങവനം പോലീസ് കസ്റ്റഡിയിലെടുത്തിട്ടുണ്ട്.
മദ്യപിച്ച ശേഷം മൂവര്‍ സംഘം നടുറോഡില്‍ വഴക്കുണ്ടാക്കിയത് നാട്ടുകാരായ രണ്ടുപേര്‍ ചോദ്യം ചെയ്തിരുന്നു. അതിൽ ഒരാളെ ഇവര്‍ക്ക് അറിയാമായിരുന്നു അയാളുടെ വീട്ടില്‍ കടന്നാണ് അക്രമണം നടത്തിയത്. വീട്ടുകാരെ മര്‍ദിക്കാന്‍ ശ്രമിക്കുന്നതിനിടെ ബഹളം കേട്ട് ഓടിയെത്തിയ അയല്‍ക്കാരാണ് മൂവരേയും പിടികൂടി പോലീസിലേല്‍പ്പിച്ചത്.
Post Your Comments