ശ്രീനഗര്‍: ജമ്മു കാശ്മീരിലെ പുല്‍വാമയില്‍ സുരക്ഷാസേനയുമായിട്ടുള്ള ഏറ്റുമുട്ടലില്‍ തീവ്രവാദി കൊല്ലപ്പെട്ടു. പുല്‍വാമ ജില്ലയിലെ പാംപോറിന് സമീപം ഞായറാഴ്ചയാണ് സംഭവം. ഏറ്റുമുട്ടല്‍ ഇതുവരെ അവസാനിച്ചിട്ടില്ലെന്നാണ് റിപ്പോര്‍ട്ടുകള്‍.
സ്ഥലത്ത് തീവ്രവാദികള്‍ തമ്പടിച്ചിരിക്കുന്നുവെന്ന വിവരത്തിന്റെ അടിസ്ഥാനത്തിലായിരുന്നു സേന ഓപ്പറേഷന്‍ ആരംഭിക്കുന്നത്.
തീവ്രവാദികള്‍ ഒളിച്ചിരിക്കുന്ന പ്രദേശത്തെത്തിയ സൈനകര്‍ക്കെതിരെ കടുത്ത ആക്രമണമാണ് അഴിച്ചുവിട്ടത്. തുടര്‍ന്ന് സേന നടത്തിയ പ്രത്യാക്രമണത്തില്‍ ഒരാള്‍ കൊല്ലപ്പെട്ടു. അക്രമികളെ കീഴടക്കാന്‍ കൂടുതല്‍ സേനയെ വിന്യസിപ്പിച്ചിട്ടുണ്ടെന്നാണ് റിപ്പോര്‍ട്ടുകള്‍.
Post Your Comments