ഹെൽമെറ്റ്‌ ഇല്ലേ ? ഇംപോസിഷൻ എഴുതാൻ തയ്യാറായിക്കോളൂ

മലപ്പുറം: ഹെൽമറ്റ് ധരിക്കാതെ വാഹനമോടിച്ച ഇരുപതോളം പേർക്കാണ് ഇന്നലെ ഇംപോസിഷൻ എഴുതേണ്ടി വന്നത്. മലപ്പുറം എസ്ഐ റിച്ചാർഡ് വർഗീസിന്റെ നേതൃത്വത്തിലുള്ള പൊലീസാണ് ഹെൽമറ്റ് ധരിക്കാതെ വന്നവർക്ക് വൈകിട്ട് പൊലീസ് സ്റ്റേഷൻ പരിസരത്ത് ഇംപോസിഷൻ നൽകിയത്. ‘ഇനി ഹെൽ‌മറ്റ് ധരിക്കാതെ ഇരുചക്രവാഹനം ഓടിക്കില്ല’ എന്ന് ഇരുപത്തിയഞ്ച് പ്രാവശ്യമാണ് എഴുതിച്ചത്.

എഴുതിയ യുവാക്കളിൽ തമിഴ്നാട് സ്വദേശിയും ഉണ്ടായിരുന്നു. തമിഴിലാണ് ഇയാൾ എഴുതിയത്. തീർന്നിട്ടില്ല, എടപ്പാളിലെ ഡ്രൈവിങ് പരിശീലന കേന്ദ്രത്തിൽ ഒരുദിവസത്തെ ബോധവൽക്കരണ ക്ലാസിൽ കൂടി പങ്കെടുക്കേണ്ടി വരും. ജില്ലാ പൊലീസ് മേധാവി ദേബേഷ് കുമാർ ബെഹ്റ മുൻപ് മലപ്പുറത്ത് ഉണ്ടായിരുന്നപ്പോളും ഹെൽമെറ്റ് ധരിക്കാത്തവരിൽനിന്ന് പിഴ ഈടാക്കാതെ ഇംപോസിഷൻ എഴുതിച്ചിരുന്നു. ഇത്തവണ ബോധവൽക്കരണവും നടത്തി വിടാനാണ് ഉദ്ദേശം