നിയമസഭാ സ്പീക്കർ തിരഞ്ഞെടുപ്പ് ഇന്ന്; ആകാംക്ഷയുണർത്തി പി. സി ജോർജിന്റെയും ഓ. രാജഗോപാലിന്റെയും വോട്ടുകൾ

തിരുവനന്തപുരം : കേരള നിയമസഭയുടെ പുതിയ സ്പീക്കറായി സിപിഎം സംസ്ഥാന കമ്മിറ്റി അംഗവും പൊന്നാനി നിയമസഭാംഗവുമായ പി. ശ്രീരാകൃഷ്ണനെ ഇന്നു തിരഞ്ഞെടുക്കും. രാവിലെ ഒൻപതിനു സഭാസമ്മേളന ഹാളിലാണു തിരഞ്ഞെടുപ്പ്. കുന്നത്തുനാട് എംഎൽഎ ആയ കോൺഗ്രസിലെ വി.പി. സജീന്ദ്രനാണു സ്പീക്കർ തിരഞ്ഞെടുപ്പിലെ പ്രതിപക്ഷ സ്ഥാനാർഥി.

ബിജെപി എംഎൽഎ ആയ ഒ. രാജഗോപാലും സ്വതന്ത്രനായ പി.സി. ജോർജും ആർക്ക് വോട്ട് ചെയ്യും എന്നതാണ് ശ്രദ്ധേയം. ഒരു മുന്നണിയെയും പിന്തുണക്കില്ലെന്ന് ജോർജും ഇരു മുന്നണികൾക്കെതിരെ നിലകൊള്ളുമെന്ന് ഓ. രാജഗോപാലും വ്യക്തമാക്കിയിട്ടുണ്ട്.