ലോകത്തെ ഏറ്റവും വിലകൂടിയ ആന്‍ഡ്രോയ്ഡ് മൊബൈല്‍ഫോണ്‍ വാങ്ങാന്‍ പദ്ധതിയുണ്ടോ?

ഇസ്രയേലി സ്റ്റാര്‍ട്ട്-അപ്പ് കമ്പനിയായ സിരിന്‍ ലാബ്സ് ലോകത്തെ ഏറ്റവും വിലകൂടിയ ആന്‍ഡ്രോയ്ഡ് മൊബൈല്‍ഫോണുമായി വരുന്നു. 256-ബിറ്റ് ചിപ്പ്-ടു-ചിപ്പ് എന്‍ക്രിപ്ഷന്‍ വാഗ്ദാനം ചെയ്യുന്ന ഈ ഫോണിന്‍റെ വില വെറും $14,000 (9-ലക്ഷം രൂപയ്ക്കും മുകളില്‍) മാത്രം. ഇസ്രയേലി സൈന്യവും മറ്റും ഉപയോഗിക്കുന്നതിന് സമാനമായ എന്‍ക്രിപ്ഷന്‍ രീതിയാണ് ഈ ഫോണില്‍ ഉള്ളത്.

“സ്മാര്‍ട്ട്‌ ഫോണുകളിലെ റോള്‍സ് റോയ്സ്” എന്ന്‍ ഇപ്പോഴേ അറിയപ്പെട്ടു കഴിഞ്ഞ ഈ ഫോണ്‍ സൊളാരിന്‍ എന്നാകും അറിയപ്പെടുക. ലണ്ടനില്‍ ചൊവ്വാഴ്ച നടന്ന ഒരു ചടങ്ങിലാണ് സൊളാരിന്‍ പുറത്തിറക്കിയത്.

ക്വാല്‍ക്കോം 810 പ്രോസസറുമായി വരുന്ന സൊളാറിന് 23.8 മെഗാപിക്സല്‍ റിയര്‍ ക്യാമറയും, 5.5 ഇഞ്ച്‌ IPS LED 2K റെസോലൂഷനോട് കൂടിയ സ്ക്രീനുമുണ്ട്.