അങ്കാറ: പിറന്നാള്‍ ദിവസം എല്ലാവര്‍ക്കും ആഘോഷത്തിന്റേതാണ്. എന്നാല്‍ അത് ദുരന്തമായി മാറാന്‍ ചിലപ്പോള്‍ ഒരു നിമിഷത്തെ അശ്രദ്ധമതി. അത്തരത്തിലൊരു അപകടത്തില്‍ നിന്ന് രക്ഷപെട്ടതിന്റെ ആശ്വാസത്തിലാണ് രണ്ടു വയസ്സുകാരിയായ നാദ്ര എന്ന പെണ്‍കുട്ടിയുടെ മാതാപിതാക്കള്‍.
പിറന്നാള്‍ ദിവസം കേക്കിലെ തിരി ഊതി കെടുത്തുന്നതിന് ശ്രമിച്ച രണ്ടു വയസ്സുകാരിയുടെ മുടിക്ക് തീപിടിക്കുകയായിരുന്നു.തീ പെട്ടെന്ന് കെടുത്താനായതിനാല്‍ വന്‍ ദുരന്തമാണ് ഒഴിവായത്. സംഭവത്തിന്റെ വീഡിയോ സോഷ്യല്‍ മീഡിയായില്‍ ചര്‍ച്ചയായിട്ടുണ്ട്.
നിലത്തുവെച്ചിരിക്കുന്ന കേക്കിലെ തിരി കെടുത്താന്‍ ശ്രമിക്കുകയായിരന്നു കുട്ടി. എത്ര ശ്രമിച്ചിട്ടും തിരി കെടുത്താനാവുന്നില്ല. കേക്കിനോട് ചേര്‍ന്നിരുന്ന് തിരി കെടുത്താന്‍ ശ്രമിക്കവെയാണ് മുടിയില്‍ തീ പിടിച്ചത്. മെഴുകുതിരി മുഴുവന്‍ ഊതി കെടുത്തിയ ശേഷം കേക്ക് കുട്ടിക്ക് നല്‍കിയെങ്കിലും അത് വാങ്ങാന്‍ തയ്യാറായില്ല.
https://youtu.be/KkessP7B1PE
–
Post Your Comments