കുവൈറ്റ് : തന്‍റെ സ്പോണ്സറെ വധിക്കാന്‍ ശ്രമിച്ച പ്രവാസി ആട്ടിടയനെ പോലീസ് അറസ്റ്റ്‌ ചെയ്തു. കുവൈറ്റിലാണ് സംഭവം. ആട്ടിടയന്‍ സ്പോണ്സറെ കുത്തിക്കൊലപ്പെടുത്താന്‍ ശ്രമിക്കുന്നതു കണ്ട ഒരു സ്വദേശി ഉടന്‍ തന്നെ വിവരം ആഭ്യന്തരമന്ത്രാലയത്തിലെ സുരക്ഷാ ഉദ്യോഗസ്ഥരെ അറിയിച്ചു.
ഉടന്‍തന്നെ സുരക്ഷാ ഉദ്യോഗസ്ഥര്‍ സ്ഥലത്തെത്തുകയും കൈയ്യില്‍ കത്തിയുമായി നില്‍ക്കുകയായിരുന്ന പ്രതിയെ കസ്റ്റഡിയിലെടുക്കുകയും ചെയ്തു. സുരക്ഷാ ഉദ്യോഗസ്ഥരെ വെട്ടിച്ച് ഇയാള്‍ ഓടിരക്ഷപ്പെടാന്‍ ശ്രമിച്ചെങ്കിലും പിന്തുടര്‍ന്ന്‌ പിടികൂടുകയായിരുന്നു. ഇയാള്‍ക്കെതിരെ കേസ് രജിസ്റ്റര്‍ ചെയ്‌ത്‌ അന്വേഷണം ആരംഭിച്ചിട്ടുണ്ട്.
Post Your Comments