റോഡരുകില്‍ നിന്ന മൂന്ന് യുവാക്കള്‍ ലോറിയിടിച്ച് മരിച്ചു

വളാഞ്ചേരി: റോഡരുകില്‍ നില്‍ക്കുകയായിരുന്ന യുവാക്കള്‍ക്കിടയിലേക്ക് സിമന്റ് ലോറി പാഞ്ഞുകയറി മൂന്ന് പേര്‍ മരിച്ചു. ഒരാള്‍ക്ക് സാരമായി പരിക്കേറ്റു. വളാഞ്ചേരി സ്വദേശികളായ ഫാസില്‍, മുഹമ്മദ് നൗഷാദ്, റംസീഖ് എന്നിവരാണ് മരിച്ചത്. ഞായറാഴ്ച പുലര്‍ച്ചെ നാലരയോടെയാണ് സംഭവം. ഡ്രൈവര്‍ ഉറങ്ങിപ്പോയതാണ് അപകടത്തിന് കാരണമെന്നു കരുതുന്നു. ലോറിയുടെ ചക്രങ്ങള്‍ക്കിടയില്‍പ്പെട്ട മൂവരും തല്‍ക്ഷണം മരിച്ചു. അപകടത്തിന് ശേഷം ലോറി ഡ്രൈവര്‍ ഓടിരക്ഷപ്പെട്ടു. ഇയാള്‍ക്കായി നാട്ടുകാരും പോലീസും തെരച്ചില്‍ നടത്തുകയാണ്.