ജോലി അറിയാത്തവര്‍ നാട് നന്നാക്കാനിറങ്ങുന്നതാണ് നാടിന്റെ ശാപം: ഡി.ജി.പി ജേക്കബ് തോമസ്

കാസര്‍കോട്:   ജോലി അറിയാത്തവര്‍ നാട് നന്നാക്കാനിറങ്ങുന്നതാണ് നാടിന്റെ ശാപമെന്ന് ഡിജിപി ജേക്കബ് തോമസ്. പത്രപ്രവര്‍ത്തകനായ ടി. എ ഷാഫിയുടെ ദേശക്കാഴ്ച്ച എന്ന പുസ്തകത്തിന്റെ പ്രകാശന ചടങ്ങില്‍ സംസാരിക്കുകയായിരുന്നു അദ്ദേഹം.  അവനവന്‍ ചെയ്യുന്ന തൊഴിലില്‍ പ്രാവീണ്യമുണ്ടാകണമെന്നും ഇതിനായി മറ്റുള്ളവര്‍ സഞ്ചരിക്കാത്ത വഴികളിലൂടെ സഞ്ചരിക്കേണ്ടിവന്നേക്കാമെന്നും അദ്ദഹം പറഞ്ഞു. ധൈര്യമാണ് ഒരുവനെ മറ്റുള്ളവരില്‍ നിന്നും വ്യത്യസ്തനാക്കുന്നതെന്നും ജോലി ചെയ്യുന്നത് സമൂഹത്തിനുവേണ്ടിക്കൂടിയാണെന്നും അദ്ദേഹം കൂട്ടിച്ചേര്‍ത്തു.