കാലിഫോര്‍ണിയ: ഫേസ്ബുക്ക് സ്ഥാപകന്‍ സുക്കര്‍ബര്‍ഗ് മകളെ നോക്കാനായി റോബോട്ടിനെ നിര്‍മ്മിക്കുന്നു. മകളെ നോക്കാനായി ഒരു റോബോട്ടിനെ നിര്‍മ്മിക്കുകയെന്നത് പുതുവര്‍ഷത്തില്‍ സുക്കര്‍ ബര്‍ഗ് എടുത്ത തീരുമാനങ്ങളില്‍ പ്രധാനപ്പെട്ട ഒന്നാണ്. സുക്കര്‍ബര്‍ഗ് തന്നെയാണ് തന്റെ ഫെയ്‌സ്ബുക്ക് പേജിലൂടെ മകളെ നോക്കാനും വീടുപരിപാലനത്തിനുമായി ഒരു ബേബി സിറ്റര്‍ റോബോട്ടിനെ നിര്‍മ്മിക്കുന്ന കാര്യം വ്യക്തമാക്കിയത്.
റോബോട്ടിനെ നിര്‍മ്മിക്കുന്നതിന്റെ പ്രധാന ലക്ഷ്യം മകളെ നോക്കുക, വീട്ടു കാര്യങ്ങള്‍ നോക്കുക, അതിനു പുറമേ ഫെയ്‌സ്ബുക്ക് മാനേജ് ചെയ്യുന്നതിനായി തന്നെ സഹായിക്കുക തുടങ്ങിയവയാണെന്ന് സുക്കര്‍ബര്‍ഗ് തന്നെ വ്യക്തമാക്കുന്നു. റോബോട്ടിന്റെ നിര്‍മ്മാണം കുഞ്ഞിന്റെ കാര്യങ്ങള്‍ ശ്രദ്ധിക്കുന്നതിനോടൊപ്പം വീട്ടു കാര്യങ്ങളും വെടിപ്പായി ചെയ്യാനായി തന്റെ ശബ്ദത്തിലൂടെ ലഭിക്കുന്ന നിര്‍ദ്ദേശങ്ങള്‍ തിരിച്ചറിയാന്‍ സാധിക്കുന്ന തരത്തിലായിരിക്കും. വീടിനുള്ളിലെ ലൈറ്റിംഗ് സംവിധാനങ്ങള്‍ പരിശോധിപ്പിക്കുക, സംഗീതം നിയന്ത്രിക്കുക തുടങ്ങിയവയെല്ലാം ചെയ്യാന്‍ റോബോട്ടിനെ സജ്ജമാക്കുമെന്നും അദ്ദേഹം പറഞ്ഞു.
Post Your Comments