നീലേശ്വരം : കോവിഡ് പരിശോധന ക്യാമ്പിൽ വ്യത്യസ്തമായ പരിപാടികളുമായി നീലേശ്വരം മര്‍ച്ചന്‍റ്സ് യൂത്ത് വിങ്. പരിശോധന ക്യാമ്പിൽ പങ്കെടുക്കുന്നവരില്‍ ഭാഗ്യശാലികള്‍ക്ക് അഞ്ചുപേര്‍ക്ക് 1000 രൂപയും അഞ്ചുപേര്‍ക്ക് ചിക്കന്‍ ബിരിയാണിയും അഞ്ചുപേര്‍ക്ക് ചിക്കന്‍ ബര്‍ഗര്‍ എന്നിവയുമാണ് നല്‍കുന്നത്.
ടി.പി.ആര്‍ തിരിച്ചുള്ള കാറ്റഗറിയില്‍ അഞ്ച് ആഴ്ചയായി ഡി കാറ്റഗറിയില്‍ തുടരുന്ന നീലേശ്വരത്തെ അതില്‍നിന്നും മാറ്റം വരുത്താന്‍ സംയുക്ത മെഗാ കോവിഡ് പരിശോധന ക്യാമ്പ് നടത്തുകയാണ്. ആഗസ്റ്റ് രണ്ടിന് നീലേശ്വരം വ്യാപാരഭവനില്‍ 10 മണിമുതല്‍ രണ്ടുമണിവരെയാണ് മെഗാ പരിശോധന ക്യാമ്പ്.
നീലേശ്വരം മുനിസിപ്പാലിറ്റി പരിധിയില്‍ താമസിക്കുന്നവര്‍ക്കു മാത്രമായിരിക്കും പ്രവേശനം. വാക്സിന്‍ ഒന്ന്, രണ്ട് ഡോസ് എടുത്തവര്‍ക്കും നേരത്തെ കോവിഡ് ടെസ്റ്റ് ചെയ്തവര്‍ക്കും പരിശോധന ക്യാമ്പിൽ പങ്കെടുക്കാമെന്ന് മര്‍ച്ചന്‍റ്സ് യൂത്ത് വിങ് പ്രവർത്തകർ അറിയിച്ചു.
Post Your Comments