വെള്ളറട: കോണ്‍ഗ്രസിൽ നിന്ന് രാജിവച്ചതിന് യുവാവിന്റെ വീട് കയറി ആക്രമണം. കഴിഞ്ഞദിവസം രാത്രി എട്ടോടെയായിരുന്നു സംഭവം നടന്നത്. ബിവിന്‍ എന്നയാളാണ് കഴിഞ്ഞദിവസം കോൺഗ്രസ് പാര്‍ട്ടി വിട്ട് ഡി.വൈ.എഫ്.ഐയില്‍ ചേര്‍ന്നത്. ആക്രമണത്തിൽ ഭാര്യാമാതാവും വിധവയുമായ ദലിത് വീട്ടമ്മക്ക് ഗുരുതര പരിക്ക്. വെള്ളറട കോട്ടയംവിള ടി.എസ്.കെ ഭവനില്‍ സിസിലറ്റ്‌ ബേബിക്കാണ് (55) മര്‍ദനമേറ്റത്.
Also Read:ചിക്കന്‍വില കുതിച്ചുയരുന്നു: സംസ്ഥാനത്ത് ചിക്കന്‍ ലോബി?
ബിവിന്‍ കഴിഞ്ഞദിവസം കോൺഗ്രസ് പാര്‍ട്ടി വിട്ട് ഡി.വൈ.എഫ്.ഐയില്‍ ചേര്‍ന്നിരുന്നു. ഇതറിഞ്ഞ കോണ്‍ഗ്രസ് കിളിയൂര്‍ മണ്ഡലം പ്രസിഡന്റ് എസ്.ആര്‍. ആശോക് ബിവിനെ തിരക്കി ബിവിന്റെ ഭാര്യ വീട്ടില്‍ എത്തിയെങ്കിലും സിസിലറ്റ്‌ ബേബിയും മകളും മാത്രം വീട്ടിലുണ്ടായിരുന്നതിനാല്‍ തിരികെ പോവുകയായിരുന്നു.
എന്നാൽ വീണ്ടും രാത്രി എട്ടോടെ വീട്ടിലെത്തിയ അശോകന്‍ വീടിന്റെ വാതില്‍ തല്ലിത്തകര്‍ത്ത് ഉള്ളില്‍ കടന്ന് സിസിലറ്റ്‌ ബേബിയെ ക്രൂരമായി മര്‍ദിക്കുകയായിരുന്നു.സിസിലറ്റ്‌ ബേബിയുടെ പരാതിയുടെ അടിസ്ഥാനത്തില്‍ വെള്ളറട പൊലീസ് വീട്ടിലെത്തി മൊഴി രേഖപ്പെടുത്തി കേസെടുത്തു.
Post Your Comments