രാജ്യത്ത് കോവിഡ് രോഗമുക്തി നിരക്കിൽ റെക്കോർഡ് വർദ്ധനവ്

ന്യൂഡൽഹി : രാജ്യത്ത് ഇരുപത്തിനാല് മണിക്കൂറിനിടെ 38,772 പേര്‍ക്കാണ് കൊവിഡ് സ്ഥിരീകരിച്ചത്. 443 പേര്‍ കൊവിഡ് ബാധിച്ച്‌ മരിച്ചു. രോഗമുക്തി നിരക്ക് 94 ശതമാനത്തിലെത്തി. രാജ്യത്ത് ആകെ കൊവിഡ് ബാധിച്ചവരുടെ എണ്ണം 94,31,692 ആണ്. കൊവിഡ് ബാധിച്ച്‌ ജീവന്‍ നഷ്ടമായവരുടെ ആകെ എണ്ണം 1,37,139 ആണ്.

Read Also : നൈക ബ്യൂട്ടിയുടെ ആദ്യ എക്സ്ക്ലൂസീവ് കിയോസ്ക് തിരുവനന്തപുരത്ത്

നിലവില്‍ 4,46,952 പോസിറ്റീവ് കേസുകളാണ് രാജ്യത്തുള്ളത്. ഇരുപത്തിനാല് മണിക്കൂറിനിടെ 45,333 പേര്‍ കൂടി രോഗമുക്തരായി. ഇതോടെ കൊവിഡ് മുക്തി നേടിയവരുടെ ആകെ എണ്ണം 88,47,600 ആയി. ഇന്നലെ മാത്രം 8,76,173 സാമ്പിളുകളാണ് പരിശോധിച്ചത്. ഇതോടെ പരിശോധിച്ച ആകെ സാമ്പിളുകളുടെ എണ്ണം 14,03,79,976 ആയി.