കൊവിഡ് ഭേദമായവരിൽ കണ്ട് വരുന്ന ആരോ​ഗ്യപ്രശ്നങ്ങൾ

കൊവിഡ്19 ബാധിച്ച ശേഷം കൊവിഡ് സംബന്ധമായ ആരോഗ്യപ്രശ്‌നങ്ങൾ നീണ്ടുനിൽക്കുന്ന അവസ്ഥയാണ് ‘ലോംഗ് കൊവിഡ്’. തൊണ്ടയിലെ അസ്വസ്ഥത, തളർച്ച, ചുമ, ശ്വാസതടസം പോലുള്ള പ്രശ്‌നങ്ങളാണ് പ്രധാനമായും ‘ലോംഗ് കൊവിഡ്’ൽ കാണുന്നത്. 30 ശതമാനം കൊവിഡ് രോഗികളിൽ ലോംഗ് കൊവിഡ് പ്രശ്നങ്ങൾ കണ്ട് വരുന്നതായി യുഎസിലെ ലോസ് ഏഞ്ചൽസിലെ കാലിഫോർണിയ സർവകലാശാലയിലെ (യുസിഎൽഎ) ഗവേഷകർ നടത്തിയ പഠനത്തിൽ പറയുന്നു.

കൊവിഡ് ബാധിച്ച 30 ശതമാനം ആളുകൾക്കും നീണ്ട കൊവിഡ് SARS-CoV-2 അണുബാധയുടെ പ്രാരംഭ ഘട്ടത്തിനപ്പുറം മാസങ്ങളോളം നിലനിൽക്കുന്ന ഒരു കൂട്ടം രോഗ ലക്ഷണങ്ങൾ കണ്ടെത്തിയതായി പഠനത്തിൽ പറയുന്നു. പ്രമേഹം, ഉയർന്ന ബോഡി മാസ് ഇൻഡക്‌സ് തുടങ്ങിയ പ്രശ്നമുള്ള ആളുകൾക്ക് കൊവിഡിന്റെ പോസ്റ്റ് അക്യൂട്ട് സീക്വലേ ഉണ്ടാകാനുള്ള സാധ്യത കൂടുതലാണ്.

Read Also:- മുംബൈ ഇന്ത്യന്‍സിന് തിരിച്ചടി: സൂപ്പര്‍ താരം പുറത്ത്

കൊവിഡ് ബാധിച്ച 309 പേരിൽ പഠനം നടത്തിയതിൽ കൂടുതലായി കണ്ടത് ക്ഷീണവും ശ്വാസതടസ്സവുമായിരുന്നു. വാക്സിനേഷൻ നില, വൈറസ് വേരിയന്റ് തരം തുടങ്ങിയ ഘടകങ്ങൾ നീണ്ട കൊവിഡ് ലക്ഷണങ്ങളെ എങ്ങനെ ബാധിക്കുന്നുവെന്നും ഈ പഠനം വ്യക്തമാക്കുന്നു.