കര്‍ണാടക : കോണ്‍ഗ്രസ് മുതിര്‍ന്ന നേതാവായ ഉമേഷ് ജാദവിനു പിന്നാലെ മുതിർന്ന നേതാക്കളും ബിജെപിയില്‍ ചേര്‍ന്നു. എംഎല്‍എ സ്ഥാനവും കോണ്‍ഗ്രസിന്റെ പ്രാധമിക അംഗത്വവും രാജി വച്ച ശേഷമാണ് മുന്‍ ചിഞ്ചോളി എംഎല്‍എയായ ഉമേഷ് ജാദവ് ബിജെപിയില്‍ ചേര്‍ന്നത്. തനിക്ക് ഒരു അവസരം നല്‍കാന്‍ താന്‍ ബിജെപിയോട് അപേക്ഷിക്കുകയാണ്. കല്‍ബുര്‍ഗിയില്‍ നമ്മള്‍ക്ക് പുതുചരിത്രം കുറിക്കണം. ഇത്തവണ കേന്ദ്രത്തില്‍ നരേന്ദ്രമോദി സര്‍ക്കാരിന് പിന്തുണ നല്‍കാന്‍ കലബുറഗിയില്‍ നിന്നുള്ള അംഗവും ഉണ്ടാകുമെന്ന്-ഉമേഷ് പറഞ്ഞു.
കലബുറഗിയില്‍ പ്രധാനമന്ത്രി നരേന്ദ്രമോദി പങ്കെടുത്ത ബിജെപി മഹാറാലിയില്‍ പതിനായിരങ്ങളെ സാക്ഷിയാക്കിയാണ് ഉമേഷ് ജാദവ്, കലബുറഗിയിലെ കോണ്‍ഗ്രസ് നേതാക്കളായ ബാബുറാം ചിഞ്ചാന്‍സുര്‍, മല്ലികയ്യ ഗുട്ടേദാര്‍ എന്നിവര്‍ ബിജെപി അംഗത്വം സ്വീകരിച്ചത്.ബിജെപിയുടെ ഭാഗമാകുന്നതില്‍ അഭിമാനവും സന്തോഷവുമുണ്ടെന്ന് ഉമേഷ് പറഞ്ഞു. ബിജെപി തന്നെ സ്‌നേഹപൂര്‍വമാണ് സ്വീകരിച്ചത്.
Post Your Comments